എന്നാൽ സ്റ്റോക്കർ തന്റെ നിശ്ചയം അറിയിച്ചു - “ഞാനുടനെ തിരിച്ചു വരും.”

ഭാര്യയ്ക്ക് പുച്ഛം തോന്നി - ”തിരിച്ചുവരും ! വീണ്ടും ജയിലിലേയ്ക്ക് ! ഇത്തവണത്തെ ശിക്ഷ അഞ്ചു വർഷം എന്നത് പത്തു വർഷമാകും. അപ്പോൾ നിങ്ങൾക്ക് ഒരു മേഖലയുമുണ്ടാകില്ല. ഒന്നുമുണ്ടാകില്ല.... അപ്പോഴേക്കും ഞാനും മരിക്കും.“



അവൾ തേങ്ങിക്കരഞ്ഞുകൊണ്ടു അയാളുടെ മുതുകിൽ നെറ്റി ചായ്ച്ചു.

അയാൾ പറഞ്ഞു. “ജയിൽ ! ഞാനെവിടെയും തടവറയ്ക്കുള്ളിലാണ്.“

അയാൾ മുന്നോട്ട് ചുവടു വെച്ചപ്പോൾ ഭാര്യ തടഞ്ഞു - ”അല്ല.”

അയാൾ കുതറിമാറി - ” എന്നെ വിടൂ. എന്നെ പോകാനനുവദിക്കൂ.”

ഭാര്യ അയാളെ കയറിപ്പിടിച്ചു - “ഞാൻ വിടില്ല.”

അയാൾ അവളെ തള്ളിമാറ്റിക്കൊണ്ട് ചുവടുവെച്ചു. കോട്ടെടുത്തു പുറത്തേക്കു നടന്നു.

ഭാര്യ പൊട്ടിക്കരഞ്ഞുകൊണ്ട്‌ സങ്കടത്തോടെ ശപിച്ചു - “പോയി തുലയൂ. നിങ്ങൾ അവിടെച്ചെന്നു ചീഞ്ഞളിയട്ടെ !... നിങ്ങളെ കണ്ടുമുട്ടിയ നിമിഷത്തെ ഞാൻ ശപിക്കുന്നു..... നികൃഷ്ടജീവി !... ദൈവം നിങ്ങളെ ശപിക്കും. നോക്കിക്കോ. ദൈവം നിങ്ങളോടൊപ്പം ആ കുഞ്ഞിനേയും ശപിക്കും… എന്നെയും ശപിക്കും... തെണ്ടി ! “

അവൾ പൊട്ടിക്കരഞ്ഞു കസേരയിൽ ഇരുന്നു. തളർന്നു കുനിഞ്ഞു നിലത്തു വീണുപിടഞ്ഞു.



പുറത്തു ട്രെയിൻ പായുന്ന ഇരമ്പം.

***** *****