Ilakalil Thottu Kadine Vayikkunnu

പല വിഭാഗങ്ങളിലും ഉള്‍പ്പെടുത്താവുന്ന ഈ പുസ്തകം എഴുത്തിന്റെ സാധാരണ സങ്കല്‍പ്പനങ്ങളും അതിര്‍വരമ്പുകളും ലംഘിക്കുന്നു. പഴയകാല ഗൃഹാതുരത അയവിറക്കുന്ന മലയാളിയുടെ പൊള്ളത്തരം മനുഷ്യനെ മറന്നുകൊണ്ടുള്ള പ്രകൃതി തീവ്രവാദം, പ്രകൃതിയിലേക്ക് മടങ്ങുക തുടങ്ങിയ വാദഗതികളേയും അക്ബര്‍ എതിര്‍ക്കുന്നുണ്ട്. പകരം പ്രകൃതിയെ കൂടെക്കൂട്ടുന്ന സമീപനത്തിന് വേണ്ടിയാണ് അക്ബര്‍ വാദിക്കുന്നത്. പ്രകൃതിയുടെ ഉള്ളം അറിയുന്ന, പ്രകൃതിയുടെ, പച്ചയുടെ, ഭൂമിയുടെ ഭാഷ സംസാരിക്കുന്ന അക്ബറിന്റെ എഴുത്ത് കാടിന്റേയും നാടിന്റേയും പുഴയുടേയും കടലിന്റേയും ജീവജാലങ്ങളുടേയും അകാല മരണം തടയാന്‍ കഴിയുന്നതാണെന്ന് ഞാന്‍ നിസ്സംശയം കരുതുന്നു.